ACT- WAZALENDO TANGA WACHANGIA DAMU KUSAIDIA WAGONJWA

Na  Boniface  Gideon-Tanga

CHAMA cha ACT-WAZALENDO jimbo  la Tanga pamoja na wakazi wa Jiji hilo  wamejitokeza kuchangia Damu Salama  kwaajili ya wagonjwa  wanaopatiwa huduma kwenye  Hospitali ya Rufani  mkoa wa Tanga Bombo.

Uchangiaji huo wa Damu Salama umeenda sambamba na zoezi  la uhamasishaji kwa jamii juu ya faida za uchangiaji wa Damu Salama ikiwa ni  kuelekea  maadhimisho  ya siku  ya Vijana Duniani  yanayofanyika kila    Agosti  13 .

Mwenyekiti wa Jumuiya ya Wanawake wa chama hicho mkoa wa Tanga,  Rehema Mohammed amewaambia  Waandishi wa Habari kuwa chama  hicho kinatarajia kufanya kongamano la Vijana agosti 13 ikiwa ni kilele cha maadhimisho ya siku ya Vijana Duniani  hivyo katika kuelekea siku hiyo wameona ni vyema kuokoa maisha  ya watu wengine.

‘’Kwakuzingatia umuhimu wa Damu  hususani kwasisi wanawake chama  chetu  kimeona ni vyema kuokoa maisha ya watu wengine na  tunaendelea  kufanya  hamasa hii kwa wakazi wote  wa Tanga kujitokeza  kwa  wingi  kwenye  uchangiaji  wa Damu’’ Alisema Rehema.

Sambamba na hayo Rehema amesema  kabla ya maadhimisho hayo wanatarajia kufanya matukio mbalimbali ikiwamo  mikutano ya hadhara na makongamano ya kuwaelimisha Vijana juu mambo mbalimbali ya nchi yao ikiwamo uzalendo kwa Taifa.

Kwaupande  wake Katibu wa nNgome ya  Vijana ACT-WAZALENDO jimbo la Tanga  Kassimu Hassan aliwashukuru  Wananchi kwakuitikia wito wakuchangia  Damu.

Amewashukuru wakazi wa Jiji la Tanga kwa kujitokeza kwa wingi kuchangia  Damu. Amewaomba waeendelee kuwa wazalendo kwa kuhamasishana kuchangia zaidi ili tuokoe maisha  ya  wengine lakini hata sisi pia ni wagonjwa watarajiwa’’ amesisitiza Kassimu.