RC SHINYANGA AWATAKA WENYEVITI WALIOCHAGULIWA KUWASOMEA WANANCHI MAPATO NA MATUMIZI

Na Suzy  Butondo, Shinyanga

MKUU wa mkoa wa Shinyanga Annamringi Macha amewataka  viongozi  waliochaguliwa wasiende  kinyume na utaratibu wa serikali kwani wakifanya hivyo serikali haitasita kuwaondoa madarakani.

Amewataka waondoe changamoto ya kutosoma mapato na matumizi kwenye maeneo yao.

       Mkuu wa Mkoa wa Shinyanga Annamringi Macha akizungumza na wenyeviti na wajumbe waliochaguliwa wa manispaa ya Shinyanga baada ya kuapishwa

Hayo ameyasema leo kwenye mkutano maalumu wa kuapishwa viongozi waliochaguliwa wa serikali ya mitaa, huku akiwataka wakurugenzi wa halmashauri sita za mkoa kuwapatia mafunzo ya uwajibikaji viongozi hao na kuwataka kuondoa changamoto ya kutosoma mapato na matumizi kwenye maeneo yao.

Macha amesema baadhi ya viongozi wa serikali za mitaa wamekuwa wakilalamikiwa kutosoma mapato na matumizi, hivyo ni vizuri waliochaguliwa kuwasomea mapato na matumizi wananchi.

       Wenyeviti wa mitaa na wajumbe wa kata zote za manispaa ya Shinyanga wakiapa mbele ya mkuu wa mkoa wa Shinyanga Annamringi Macha

" Uchaguzi wa Serikali za mtaa umekwisha, hivyo mkawe na umoja wa kushirikiana katika kazi ili muwatumikie wananchi.

"Niwaombe sana viongozi mhakikishe kuwepo amani  kwenye maeneo yenu kwani bila amani hakuna uongozi katika serikali, na kila mmoja apate miongozo ya  nakala ya kusoma ili muweze  kufanya rejea katika kazi zenu" amesema Macha.

Aidha mkuu wa mkoa Macha  amewataka viongozi hao washirikishe na vyombo vya usalama katika ulinzi na kuwatambua wananchi  kwenye maeneo wanayowaongoza, ili kuwafahamu  wanafanya shughuli gani. 

       Wenyeviti wa mitaa na wajumbe wa kata zote za manispaa ya Shinyanga wakiapa mbele ya mkuu wa mkoa wa Shinyanga Annamringi Macha

"Kila Mtaa,Vitongoji na vijiji kuna Shughuli  au miradi zinazofanywa,  hivyo w

mhakikishe mnakuwa walinzi wa Miradi iliyotekelezwa au inayoendelea kutekelezwa, mfano ujenzi wa Shule  au Zahanati"amesema.

"Ninyi viongozi mhakikishe mnalinda migogoro ya ardhi na kuiepuka, kwani ilikuwepo changamoto ya muingiliano kati ya mtendaji au mwenyekiti kila mmoja anamajukumu yake, hivyo mshirikishane na kupeana majukumu na kuwatumikia wananchi "amesema   Macha.

Mkurugenzi wa Halmashauri  ya Manispaa Shinyanga Alexius Kagunze  amesema   kulikuwa na mitaa  57,Vijiji 17 na Vitongoji 84 na maeneo karibu yote wamepita chama cha Mapinduzi isipokuwa kitongoji kimoja ndiyo ameshinda aliyekuwa mgombea wa Chadema.

       Mkurugenzi wa Halmashauri  ya Manispaa Shinyanga Alexius Kagunze akizungumza

Naye Mwenyekiti wa Mtaa wa Majengo  Issa Mkondo na mwenyekiti wa Mtaa Bugweto A Mary Makamba wamesema watawatumikia wananchi wote hawataangalia kabila wala dini na suala la ulinzi na usalama watahakikisha kutojipatia  fedha kwa njia isiyohalali na kuwatumikia wananchikatika kutatua shida zao.

     Wenyeviti wa mitaa na wajumbe wa kata zote za manispaa ya Shinyanga wakiapa mbele ya mkuu wa mkoa wa Shinyanga Annamringi Macha.