CCM NI IMARA

NAANZAJE kukihama, Chama bora Tanzania

Ni yake kubwa heshima, vijana imewalea

Imara kimesimama, nchi kimezikomboa

Si leo tangu zamani sisiemu ni imara

Viongozi kimetoa, bora na wenye thamani

Hiki chama chavutia, hakika ni kishindani

Amani chasimamia, wanachama hongereni

Si leo tangu zamani sisiemu ni imara

Ni mbali kimetutoa, na bado kipo imara

Chama tunajivunia, hakika ni chama bora

Mengi kimetufanyia, udumu wake ubora

Si leo tangu zamani sisiemu ni imara

Udini kinalaani, kinahubiri amani

Chajulikana nchini, sisiemu ni makini

Watu kinawathamini, ni nzuri yake ilani

Si leo tangu zamani sisiemu ni imara

Rais wake makini, ni mwanamke jasiri

Kwa kweli ni mshindani, kwa kuongoza hodari

Nchi ameithamini, Samia ni jemedari

Si leo tangu zamani sisiemu ni imara

Mwishoni naelekea, shairi ninalitua

Ni nani wakuitoa, sisiemu imekua

Sifa zake meenea, sote tunajivunia

Si leo tangu zamani sisiemu ni imara

Mtunzi ni SirDody Kilimanjaro

(_Mudio Seminary Islamic high school_) 0675654955 au 0762396923